Lestu um leikinn: Breiðablik 1 -  1 Stjarnan

Byrjunarliðin eru klár fyrir leikinn. Katrín Ásbjörnsdóttir, sem lék með Stjörnunni í fyrra, byrjar leikinn fyrir Breiðablik og er í fremstu víglínu. Karitas Tómasdóttir er ekki með Blikum þar sem hún meiddist illa í síðasta leik og verður ekki meira með á tímabilinu.

Auður Sveinbjörnsdóttir Scheving er í markinu hjá Stjörnunni þar sem Erin McLeod er fjarri góðu gamni.

Alvöru nágrannaslagur
„Það er gríðarlega erfitt að spá í þennan leik, alvöru nágrannaslagur," sagði undirritaður í síðasta þætti af Heimavellinum þegar rætt var um þennan leik.

„Mig langar ekki að segja jafntefli," sagði Lilja Dögg Valþórsdóttir. „Ég vil að það verði skorað meira en eitt mark, þetta verði alvöru markaleikur."

„Ætli Katrín Ásbjörns skori ekki?" spurði undirritaður. „Hún skorar pottþétt í þessum leik og Blikarnir vinna," sagði Lilja en það verður fróðlegt að sjá hvað gerist í kvöld. Það er athyglisvert að Katrín og Jasmín Erla Ingadóttir eru að mætast en þær voru tveir markahæstu leikmenn deildarinnar í fyrra og unnu gríðarlega vel saman í fyrra eins og má lesa um hérna. Í kvöld eru þær andstæðingar.

Hér fyrir neðan má sjá byrjunarliðin fyrir leikinn á Kópavogsvellinum í kvöld en flautað verður til leiks klukkan 18:00.

Fjölmennum á völlinn og styðjum við íslenskan fótbolta!

Byrjunarlið Breiðabliks:
12. Telma Ívarsdóttir (m)
2. Toni Deion Pressley
4. Bergþóra Sól Ásmundsdóttir
5. Hafrún Rakel Halldórsdóttir
7. Agla María Albertsdóttir
8. Taylor Marie Ziemer
9. Katrín Ásbjörnsdóttir
11. Andrea Rut Bjarnadóttir
13. Ásta Eir Árnadóttir (f)
18. Elín Helena Karlsdóttir
20. Áslaug Munda Gunnlaugsdóttir

Byrjunarlið Stjörnunnar:
1. Auður Sveinbjörnsdóttir Scheving (m)
3. Arna Dís Arnþórsdóttir
5. Gunnhildur Yrsa Jónsdóttir
6. Úlfa Dís Kreye Úlfarsdóttir
9. Andrea Mist Pálsdóttir
10. Anna María Baldursdóttir (f)
11. Betsy Doon Hassett
16. Sædís Rún Heiðarsdóttir
18. Jasmín Erla Ingadóttir
21. Heiða Ragney Viðarsdóttir
24. Málfríður Erna Sigurðardóttir