Mohamed Salah lagði upp annað af mörkum Egyptalands í sigri gegn Búrkína Fasó í undankeppni HM 2026 í gærkvöldi.
Leiknum lauk með 2-1 sigri Egyptalands en Salah lagði upp fyrra markið. Trezeguet fyrrum framherji Aston Villa sem leikur með Trabzonspor í Tyrklandi í dag skoraði bæði mörkin.
Egyptaland er með fullt hús stiga á toppi A riðils eftir þrjár umferðir.
Ismaila Sarr skoraði mark Senegal í jafntefli gegn Kongó. Leikmenn á borð við Edouard Mendy, Kalidou Koulibaly, Pape Matar Sarr og Nicholas Jackson voru í byrjunarliðinu ásamt Ismaila Sarr.
Senegal er í 2. sæti B riðils með 5 stig eftir þrjá leiki, tveimur stigum á eftir Súdan.
Þá fullkomnaði Jordan Ayew endurkomu Gana gegn Malí þegar hann skoraði annað mark liðsins í uppbótatíma. Gana er með 6 stig í 2. sæti I riðils.
Egyptaland 2-1 Búrkína Fasó
1-0 Trezeguet ('3 )
2-0 Trezeguet ('7 )
2-1 Lassina Traore ('56 )
Mali 1-2 Gana
1-0 Kamory Doumbia ('45 )
1-1 Ernest Nuamah ('58 )
1-2 Jordan Ayew ('90 )
Senegal 1-1 Kongó
1-0 Ismaila Sarr ('45 )
1-1 Fiston Mayele ('85 )
