Luis Suárez spilaði sinn síðasta landsleik fyrir Úrúgvæ í gær en tókst ekki að skora í markalausu jafntefli í grannaslagnum gegn Paragvæ í undankeppni fyrir HM.
Að leikslokum kvaddi Suárez landsliðið í faðmi fjölskyldu sinnar við mikið táraflóð.
Löng kveðja frá Lionel Messi birtist á risaskjánum á heimavelli Úrúgvæ, við mikla hrifningu stuðningsfólks Úrúgvæ sem var samankomið á vellinum.
Suárez er samherji Messi hjá Inter Miami en þeir vinirnir léku einnig saman fyrir goðsagnakennt Barcelona lið sem vann urmul titla.
Suárez er ein helsta goðsögn í landsliðssögu Úrúgvæ, en hann er 37 ára gamall og skoraði 69 mörk í 143 landsleikjum.
Leo Messi sends a heartfelt message to Luis Suarez, who played his final game for Uruguay yesterday
byu/oklolzzzzs insoccer
Athugasemdir
