Fótbolti.net

Árni Marínó: Einhver örvænting þessir boltar hjá þeim

Lárus Orri: Förum ekki á útivöll og óskum eftir því að fá svart gúmmí í gervigrasið

Áhyggjulaus þrátt fyrir tvö töp í röð - „Skagamenn verða að eiga það við sjálfa sig“

Alex Freyr: Viljum enda í topp 6

Jökull: Vorum hægir og fyrirsjáanlegir

Spenntur fyrir nýjum leikmanni sem verður kynntur á morgun

Höskuldur: Verður allt annar leikur hér á Kópavogsvelli

„Búnir að fá æfingu í því í 11 leikjum af 14"

Skoraði sitt fyrsta mark á ferlinum með skoti fyrir aftan miðju

Siggi Hall: Þeir brotnuðu og við gengum á lagið

Haddi eftir 5-0 tap: Svekktir fyrsta klukkutímann á leiðinni heim

Björn Daníel skaut á „gömlu kallana“ í Stúkunni - „Aldrei spilað á svona góðu grasi“

Kjartan Henry: Hlakka til að horfa á leikinn aftur

Gústi Gylfa: Eins og Þorgrímur Þráins sagði, varnarleikur vinnur leiki

„Örugglega það besta sem ég hef séð frá honum síðan ég kom"

Rúnar: Ætlum ekki að fara grenja yfir því að hafa tapað

Partí á Ísafirði í kvöld - „Vonandi sletta þeir aðeins úr klaufunum"

Alli Jói: Pabbi hringdi í mig og skammaði mig eftir leik

Fyrsta tap ÍR: „Helvíti gróft ef að eitt tap í tólf leikjum sitji þungt í mönnum"

Hemmi fékk góða afmælisgjöf: „Hún gat ekki verið betri"

mán 08. maí 2017 22:03

Brynjar Ingi Erluson

Arnar Grétars: Blikar eru í sárum

Arnar Grétarsson

Mynd: Fótbolti.net - Hafliði Breiðfjörð

Arnar Grétarsson, þjálfari Breiðabliks í Pepsi-deild karla í knattspyrnu, var skiljanlega svekktur eftir 1-0 tap gegn Fjölni í 2. umferð deildarinnar í dag. Þetta var annað tap liðsins í röð.

Hans Viktor Guðmundsson gerði eina mark leiksins þegar Igor Jugovic skaut í bakið á Hans og í netið á 61. mínútu.

Blikar hafa tapað báðum leikjum sínum í deildinni en Fjölnir er komið með fjögur stig.

„Þetta er svekkelsi. Þetta er ekki sú byrjun sem við ætluðum okkur. Þetta var tiltölulega jafn leikur og það er markið sem þeir skora sem skilur á milli," sagði Arnar við Fótbolta.net.

„Það gerði það ekki því miður. Því fagna Fjölnismenn en Blikar eru í sárum. Það eina sem hægt er að gera er að snúa bökum saman og núna er það næsti leikur, bretta upp ermar og sækja þrjú stig."

Viktor Örn Margeirsson kom inn í miðvörðinn í dag en Gísli Eyjólfsson færði sig framar. Gísli lék í miðverði í síðasta leik.

„Gísli er náttúrlega ekki miðvörður. Við settum hann í þá stöðu því Viktor var ekki klár og núna hentum við honum inn því við töldum hann geta spilað. Það var jákvætt að hann kláraði leikinn og það var vel gert en engin önnur ástæða en sú."

Blikar fengu nokkur tækifæri til þess að koma knettinum í netið en tókst ekki. Honum fannst vanta klókindi í sóknarleikinn á köflum.

„Mér fannst sérstaklega í seinni hálfleik, fram að markinu þeirra, þá fannst mér við vera að gera flotta hluti. Við vorum að komast á milli miðju og varnar oft og sækja hratt á þá en vantaði klókindi á síðustu sendingu og nýta það sem við fengum en það hefur verið að há okkur og við verðum að laga, það þarf að gerast einn tveir og bingó. Við þurfum að sækja stig í næsta leik."

Elfar Freyr Helgason, varnarmaður Blika, er á láni hjá Horsens í Danmörku, en danska félagið ákvað að nýta sér ekki kaupréttinn á honum. Það þýðir það að Blikar fá hann ekki fyrr en glugginn lokar og verður hann því tiltækur 15. júlí þegar glugginn opnar á ný.

„Hann er okkar leikmaður. Þeir ætla ekki að nýta sér kaupréttinn, hann kemur til baka og það er eftir lokun á glugga. Hann verður klár 15. júlí, þannig er staðan, en það verður að koma í ljós hvort að það sé einhver að koma það getur vel verið."

„Við erum að skoða hafsent þar sem Viktor hefur ekki verið klár en að vísu stóð hann sig vel í dag sem er plús," sagði hann í lokin.