Jói í leiknum í gær.
Hvað gerist næst?
Jóhann Berg Guðmundsson og Arnór Ingvi Traustason upplifðu það í gær að sigra England í annað skiptið á ferlinum. Þeir byrjuðu báðir leikinn í gær og léku saman inn á miðjunni. Jói byrjaði líka gegn Englandi í Nice á EM 2016, í þeim leik kom Arnór inn af bekknum undir lokin.
Rétt tæplega átta ár voru á milli sigranna tveggja gegn Englandi.
Rétt tæplega átta ár voru á milli sigranna tveggja gegn Englandi.
Lestu um leikinn: England 0 - 1 Ísland
Hrafnkell Freyr Ágústsson, góðvinur Jóa, birti færslu á X í dag þar sem hann vekur athygli á því að ferill Jóa í ensku úrvalsdeildinni hófst eftir sigur Íslands í Nice.
Ferli Jóa í úrvalsdeildinni er líklega lokið en hann yfirgaf Burnley í síðasta mánuði og óvíst er hvar hann spilar á næsta tímabili.
„Jói Berg var nýbúinn að vinna England þegar hann spilaði sínar fyrstu mínútur í Premier League 2016, Hann kvaddi hana einnig með því að vinna þá aftur 2024," skrifaði Hrafnkell.
Fyrirliðinn fékk níu í einkunn fyrir frammistöðu sína í leiknum í gær. Leiðtoginn á miðsvæðinu. Er svo rólegur, hefur gert þetta allt áður. Aðrir leikmenn fylgja hans fordæmi.
Jói Berg var nýbúin að vinna England þegar hann spilaði sínar fyrstu mínútur í Premier League 2016, Hann kvaddi hana einnig með því að vinna þá aftur 2024. pic.twitter.com/nvtSUhcIwq
— Hrafnkell Freyr Àgústsson (@hrafnkellfreyr) June 8, 2024
Athugasemdir
