Yalcouyé hefur verið að leika við hlið Kolbeins Þórðarsonar á miðju Gautaborgar að undanförnu og vakið mikla athygli á sér.

Sky Sports greinir frá því að Yalcouyé sé að gangast undir læknisskoðun hjá Brighton í dag, en hann var ekki með Gautaborg í 2-0 tapi gegn Varnamo um helgina.

Yalcouye er fæddur í Malí og gekk til liðs við Gautaborg úr röðum ASEC Mimosas, stórliðs frá Fílabeinsströndinni.

Hann leikur sem miðjumaður að upplagi en getur einnig spilað úti á hægri kanti.

Talið er að Brighton borgi um 10 milljónir evra fyrir Yalcouyé, sem gerir fimm ára samning við félagið.