Cole Palmer hefur verið valinn sem leikmaður tímabilsins hjá enska landsliðinu fyrir tímabilið 2023-24 þrátt fyrir að hafa aðeins spilað sinn fyrsta A-landsleik í nóvember í fyrra.
Palmer var valinn bestur framyfir Jude Bellingham og Bukayo Saka sem enduðu í öðru og þriðja sæti í kjörinu.
Palmer hefur aðeins spilað 9 A-landsleiki á ferlinum og þar af eru einungis tveir byrjunarliðsleikir, en hann skoraði eina mark Englands í 2-1 tapi gegn Spánverjum í úrslitaleik Evrópumótsins í sumar.
Palmer var einnig valinn sem besti ungi leikmaður síðasta úrvalsdeildartímabils á Englandi eftir að hafa skinið skært með Chelsea þar sem hann raðaði inn mörkum og stoðsendingum, eitthvað sem hann hefur haldið áfram að gera á nýju deildartímabili.
Palmer er aðeins 22 ára gamall og var keyptur til Chelsea frá Manchester City í fyrrasumar.
Saka var kjörinn bestur síðustu tvö tímabil með enska landsliðinu en þar áður hafa leikmenn á borð við Harry Kane, Wayne Rooney, Steven Gerrard, Frank Lampard og David Beckham verið valdir sem bestir.
Leikmaður ársins hjá enska landsliðinu
2023-24 – Cole Palmer (Chelsea)
2022-23 – Bukayo Saka (Arsenal)
2021-22 – Bukayo Saka (Arsenal)
2019 – Jordan Henderson (Liverpool)
2018 – Harry Kane (Tottenham Hotspur)
2017 – Harry Kane (Tottenham Hotspur)
2016 – Adam Lallana (Liverpool)
2015 – Wayne Rooney (Manchester United)
2014 – Wayne Rooney (Manchester United)
2012 – Steven Gerrard (Liverpool)
2011 – Scott Parker (Tottenham Hotspur)
2009 – Wayne Rooney (Manchester United)
2008 – Wayne Rooney (Manchester United)
2007 – Steven Gerrard (Liverpool)
2006 – Owen Hargreaves (Bayern Munich)
2005 – Frank Lampard (Chelsea)
2004 – Frank Lampard (Chelsea)
2003 – David Beckham (Manchester United)
Athugasemdir
