Paris Saint-Germain vill kaupa Bernardo Silva frá Manchester City í sumar. Kylian Mbappe er sagður setja þrýsting á PSG, hann vill verða samherji Silva að nýju en þeir spiluðu saman hjá Mónakó á sínum tíma.
Hávær orðrómur hefur verið í síðustu gluggum að Silva vilji yfirgefa City og Barcelona hefur áhuga á honum. Spænska félagið þarf hinsvegar að draga saman seglin í launakostnaði.
Hávær orðrómur hefur verið í síðustu gluggum að Silva vilji yfirgefa City og Barcelona hefur áhuga á honum. Spænska félagið þarf hinsvegar að draga saman seglin í launakostnaði.
Luis Campos, fótboltaráðgjafi PSG, var íþróttastjóri Mónakó þegar Bernardo Silva var fenginn þangað. Portúgalinn og Mbappe fóru á kostum þegar Mónakó varð Frakklandsmeistari 2017.
Hjá Manchester City hefur Silva, sem er 28 ára, unnið ellefu bikara á sex árum og er sagður vilja takast á við nýja áskorun. Samningur hans við félagið er til 2025.
Daily Mail segir að Manchester City vilji fá um 70 milljónir punda fyrir Bernardo Silva ef hann verður seldur.
Athugasemdir