Gary Neville var alls ekki sá leikmaður sem Leeds stuðningsmenn elskuðu mest. Neville var leikmaður Manchester United og sagði á sínum tíma að hann myndi aldrei spila fyrir Leeds, Liverpool og Manchester City.

Í dag er hann búinn að vinna marga af þeim sem þoldu hann ekki sem leikmann yfir á sitt band í nýrri stöðu en Neville er sérfræðingur hjá Sky Sports.

Í vikunni var hann í hlaðvarpsþætti á vegum Sky og barst talið að fjárhagslegri stöðu félaga á Englandi en hún er í brennidepli vegna kórónaveirunnar. Neville segir að útdeiling fjármagns sé ekki rétt þegar kemur að muninum á efstu deild og Championship.

„Það er mikill galli á skipulaginu þegar kemur að peningamálum í enskum fótbolta. Þetta er eitthvað sem ég hef bent á í mörg ár og vill að yfirvaldið breyti," sagði Neville.

„Við erum með hina frábæru úrvalsdeild og þar fær neðsta liðið 100 milljónir punda. Svo kemurðu í B-deildina og þar fær efsta liðið, Leeds, þrjár milljónir og það sjá það allir að það er galið. Það þarf að endurhugsa þetta," sagði Neville.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit