Fernando Torres gerði garðinn frægan með Liverpool á sínum tíma en það sást til hans á Íslandi í dag.
Torres lék 142 leiki og skorað 81 mark fyrir Liverpool frá 2007-2011 en gekk síðan til liðs við Chelsea og náði ekki að sýna sitt rétta andlit þar.
Vísir.is greindi frá því að Torres væri á landinu en það sást til hans borða í gróður- og veitingahúsinu Friðheimum í Reykholti.
Tryggvi Örn Gunnarsson, starfsmaður í þróun hjá Kerecis, var þar ásamt nokkrum vinnufélögum sínum þegar hann sá til einn af sínum uppáhalds leikmönnum.
„Hann var svo lengi að borða. Hann borðaði skál eftir skál [af tómatsúpu] og var með fullt borð af mat,“ sagði Tryggvi í samtali við Vísi.
Loks nýtti Tryggvi sér tækifærið og bað um bolamynd með Torres sem þóttist þá ekki vera þekktur en að lokum tókst honum að fá mynd.
