„Ég er bara svekktur að tapa á heimavelli. Ég tel okkur hafa spilað nægilega vel til að taka þrjú stig," sagði Atli Sveinn Þórarinsson, þjálfari Fylkis, eftir 2-1 tap gegn HK í Pepsi Max-deildinni í kvöld.
Lestu um leikinn: Fylkir 1 - 2 HK
„Við erum svekktir, allir svekktir."
„Við fáum urmul af færum. Mér fannst þetta geta verið þannig dagur að við áttum að vera í 2-0, jafnvel 3-0 en það gerðist ekki. Því fór sem fór."
Frammistaða Fylkis í kvöld verðskuldaði meira en ekkert stig. „Þú segir það, þá er það þannig. Ég er hlutdrægur. Okkur fannst við verðskulda að fá eitthvað út úr þessu. Þannig er fótboltinn ekki alltaf. Það er drullupirrandi."
„Við erum með 11 stig eftir 11 leiki og verðum að halda áfram að berjast fyrir lífi okkar. Ef það er eitthvað sem HK gerði betur en við, þá börðust þeir meira með kjafti og klóm. Við þurfum kannski að bæta því inn hjá okkur," sagði Atli Sveinn.
Allt viðtalið má sjá hér að ofan.
Athugasemdir