Thuram á einn A-landsleik að baki fyrir Frakkland, eftir að hafa spilað 51 leik fyrir yngri landsliðin og tvo leiki fyrir Ólympíuleikaliðið.
Fótboltafréttamaðurinn Fabrizio Romano er búinn að setja fræga „here we go!" stimpilinn sinn á félagsskipti franska miðjumannsins Khéphren Thuram frá OGC Nice til Juventus.
Thuram er 23 ára og er búinn að gefa munnlegt samþykki fyrir fimm ára samningi við Juventus, sem greiðir um 25 milljónir evra fyrir leikmanninn.
Thuram er sonur frönsku goðsagnarinnar Lilian Thuram og yngri bróðir Marcus Thuram, framherja franska landsliðsins og Inter.
Thuram fer í læknisskoðun í vikunni og verður kynntur sem nýr leikmaður um eða eftir næstu helgi.
Thuram verður þriðji leikmaðurinn sem gengur til liðs við Juve í sumar eftir að félagið krækti sér í brasilíska landsliðsmanninn Douglas Luiz frá Aston Villa og besta markvörð Serie A deildarinnar á síðustu leiktíð, Michele Di Gregorio.
Athugasemdir
