"Ég er þokkalega sáttur, mér fannst við góðir eitthvað fram í seinni hálfleikinn, svo kannski gáfum við aðeins eftir en svona heilt yfir er ég sáttur við frammistöðuna og úrslitin sem komu svo í kjölfarið" Sagði Óskar Hrafn Þorvaldsson þjálfari Breiðabliks eftir góðan 3-1 sigur gegn Stjörnumönnum.

Blikar voru með öll tök á leiknum þangað til að Stjarnan minnkuðu muninn í 3-1, var Óskar smeykur í þeirri stöðu?

"Nei ekki smeykur kannski en manni er aldrei sama því það var mikil orka í Stjörnuliðinu og þessi fjórfalda skipting sem þeir gerðu heppnaðist mjög vel, gaf þeim mikinn kraft þannig ég var kannski ekki beint hræddur en þetta varð svolítið tætt hjá okkur og náðum ekki stjórn á þessu og mér fannst þeir hafa aðeins stjórnina á hlutunum og það er óþægilegara heldur en hitt en svo fengum við líka fullt af færum til þess að klára leikinn endanlega"

Það var allt annað að sjá til Stjörnunnar í síðari hálfleik.

"Mér fannst Stjörnuliðið gott í seinni hálfleik , þeir voru að spila fótbolta og halda boltanum aðeins og þá voru þeir mjög góðir og það var hluti af því við misstum stjórnina í seinni hálfleik" Bætti Óskar svo við.

Lestu um leikinn: Stjarnan 1 -  3 Breiðablik

Valur, Víkingur og KA sem eru í baráttu við Blika um Íslandsmeistaratitilinn misstigu sig öll í gær.

"Ég er bara sáttur með að við myndum sigra og sýna trausta frammistöðu og það er kannski ekkert sjálfgefið að þegar það er mikið í gangi og mikilvægir leikir handan horns þá er ekkert endilega sjálfgefið að menn ná að stilla sig af leik eftir leik og auðvitað gleðilegt að úrslitin fylgja með. Við getum lítið verið að velta fyrir okkur hvað aðrir gera, það er svo mikið eftir af leikjum og innbyrðisleikjum milli þessara liða sem eru núna í toppbaráttunni, við höfum séð það áður að hlutirnir geta snúist á tveimur eða þremur umferðum og það er það mikið eftir að það er ekkert sem segir að þetta geti ekki gerst aftur þannig að við reynum að hugsa sem minnst um hvað liðin í kringum okkur eru að gera og við einbeitum okkur bara að okkar. Ef við náum að gera það vel trúi ég ekki öðru en við verðum í ljómandi fínum málum þegar að mótinu líkur í haust"

Viðtalið má sjá í heild sinni hér fyrir ofan en þar talar Óskar um seinni leikinn gegn Aberdeen sem fer fram á fimmtudaginn Thomas Mikkelsen og líkamlega heilsu leikmanna.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit