Hannes Þór Halldórsson, landsliðsmarkvörður Íslands, segir að íslenska liðið muni leggja allt í sölurnar gegn heimsmeisturum Frakka á föstudagskvöld.

„Þetta verður erfitt. Þetta eru heimsmeistararnir. Þeir eru frábærir og augljóslega sigurstranglegri fyrir þennan leik. Við höfum áður spilað á móti liðum sem eru augljóslega sigurstranglegri og við höfum staðið uppi sem sigurvegarar," sagði Hannes við Fótbolta.net í dag.

„Við reynum að hámarka möguleikana okkar á að ná í úrslit og helst vinna leikinn. Það er allt hægt á þessum heimavelli okkar ef við fáum stuðninginn með okkur og stemningu."

Orðrómur er um að Guðmundur Hreiðarsson, fyrrum markmannsþjálfari Vals, verði nýr markmannsþjálfari Hannesar hjá Val. Hvernig líst honum á það ef af verður?

„Það yrði bara flott. Gummi Hreiðars er frábær markmannsþjálfari og við störfuðum saman í langan tíma. Það yrði bara gaman. Ég er bara að fókus á þennan leik og landsliðsverkefnið núna. Við tökum þá umræðu síðar."

Hér að ofan má sá viðtalið í heild sinni.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit