Heimir Hallgrímsson er að gera sitt besta til að snúa slakri byrjun sinni við stjórn írska landsliðsins við hið snarasta.
Írar töpuðu heimaleikjum gegn Englandi og Grikklandi í B-deild Þjóðadeildarinnar í síðasta landsleikjahléi og þurfa sigra í næstu leikjum.
Lærisveinar Heimis heimsækja Finnland annað kvöld og ferðast svo til Grikklands til að spila aftur á sunnudagskvöldið.
Írar æfðu snemma í morgun í Finnlandi og eru í fríi í kvöld, sem er ákvörðun sem var tekin af Heimi. Hefðin hjá Írum er að eiga lokaæfinguna 24 tímum fyrir leik.
„Þetta er leið sem ég kýs að fara frekar. Núna geta leikmenn hvílt sig og hugað að sínum hlutum án þess að þurfa að hugsa um æfingu í kvöld. Við erum búnir að æfa og erum tilbúnir í leikinn," sagði Heimir í dag.
„Það er erfitt að vera landsliðsþjálfari. Leikmenn spila í deildum á sunnudegi og ferðast svo á mánudegi. Þannig í gær var eina æfingin sem við fengum saman áður en við æfðum aftur í morgun. Það er erfitt að vera búnir að verja svona litlum tíma saman."
????Helsinki pic.twitter.com/WW7mwTFJM2
— Ireland Football ?????????? (@IrelandFootball) October 9, 2024
Athugasemdir