Verður fyrsti leikur Benonýs Breka gegn Palace?

Benoný Breki Andrésson hefur hafið æfingar með Stockport County og mögulega verður hans fyrsti leikur fyrir félagið á sunnudaginn, þegar liðið heimsækir úrvalsdeildarliðið Crystal Palace í FA-bikarnum.

Benoný er 19 ára sóknarmaður og var í sumar markakóngur Bestu deildarinnar þegar hann skoraði 21 mark í 26 leikjum fyrir KR og setti markamet í Bestu deildinni.

Hann skrifaði undir þriggja og hálfs árs samning við Stockport City sem er í sjöunda sæti ensku C-deildarinnar, League One. Hann er kominn með leikheimild með liðinu og félagið hefur birt myndir af honum á æfingu liðsins.

Stuðningsmenn Stockport skrifa við færsluna á X og kalla eftir því að Benoný Breki fái sinn fyrsta leik á sunnudaginn.