Að sögn Kaveh Solhekol á Sky Sports, þá hefur Fulham hafnað fyrsta tilboði Bayern München í miðjumanninn Joao Palhinha þetta sumarið.
Bayern var nálægt því að fá Palhinha undir lok síðasta sumars en það gekk á endanum ekki eftir.
Þýska stórveldið er núna að reyna aftur og bauð fyrst í hann 30 milljónir punda.
Solhekol segir að því tilboði hafi verið hafnað en Fulham ætlar sér að fá tvöfalt hærri upphæð fyrir miðjumanninn öfluga.
Barcelona og Manchester United hafa einnig áhuga á Palhinha og verður fróðlegt að sjá hvað gerist.
Athugasemdir