Búið er að draga í 8-liða og undanúrslit í Meistaradeild Evrópu. Vegna kórónaveirunnar verður breytt fyrirkomulag í keppninni í ár en 8-liða úrslitin, undanúrslit og úrslitaleikurinn sjálfur fara fram í Lisabon í Portúgal dagana 12-23. ágúst.

Þar sem ekki er leikið heima og að heiman þá ráðast úrslitin í 8-liða og undanúrslitum í einum leik.

Ennþá er fjórum viðureignum ólokið í 16-liða úrslitum en í 8-liða úrslitum gætu stórlið Barcelona og Bayern Munchen meðal annars mæst. Sigurvegarinn hjá Manchester City og Real Madrid mætir Juventus eða Lyon.

RB Leipzig, Atletico Madrid, Atalanta og PSG eigast við í 8-liða og undanúrslitum og eitt af þessum liðum fer í úrslitaleikinn í ár.