Fótbolti.net

Eyþór Wöhler: Ég ætla bara að þegja

Óskar Hrafn: Við gerðum bara ekki nóg til að verðskula eitthvað

Árni Guðna: Ætlum að halda Bestu deildar standard

Fréttamannafundur Arnars í heild

Fór aðra leið en félagarnir - Tilbúinn í hörkuna á Skaganum

Þorri Mar: Það birtir alltaf til og núna skín Stjarnan

Steini: Sýndi að þær voru hræddar við að við myndum nálgast markið

Karólína eftir naumt tap: Þær voru orðnar drullu pirraðar

Ingibjörg: Héldum áfram að reyna og ég er stolt af því

„Henda sér niður við allt og væla yfir öllu“

Sölvi: Víkingstreyjan fer honum einstaklega vel

Kári: Hann vildi meina að nú væri kominn tími á að reyna þetta aftur

Gylfi um síðustu daga og skiptin umtöluðu - „Kári gefst greinilega ekki upp"

Cecilía: Frakkar hafa góða einstaklinga en ekki eins gott lið og Ísland

Hlín: Hellings pláss á móti þeim og okkar að nýta það

Steini: Þær fara mikið í 1 á 1 og reyna að plata

Emilía Kiær: Heimsklassa lið með heimsklassa leikmönnum

Katla Tryggva: Held ég sé með ágætis tök á dómurunum

Karólína Lea: Kom mér á óvart hvað hún er tæknilega góð

Glódís: Við erum ekki sáttar að fara héðan með eitt stig

mið 10. júlí 2024 18:00

Guðmundur Aðalsteinn Ásgeirsson
Laugardalsvelli

Lúxusvandamál fyrir Hlín - „Þetta er smá tvíeggja sverð"

Hlín Eiríksdóttir.

Mynd: Fótbolti.net - Hafliði Breiðfjörð

Hefur verið að leika fantavel í Svíþjóð.

Mynd: Jónína Guðbjörg Guðbjartsdóttir

„Ég hlakka bara til að fá Þjóðverjana í heimsókn á föstudaginn og mæta þeim af fullum krafti," segir landsliðskonan Hlín Eiríksdóttir í samtali við Fótbolta.net.

Framundan eru tveir síðustu leikirnir í undankeppni EM. Ísland mætir Þýskalandi á Laugardalsvelli föstudaginn 12. júlí og Póllandi ytra þriðjudaginn 16. júlí. Ísland er í öðru sæti þegar tveir leikir eru eftir af undankeppninni. Tvö efstu liðin fara áfram beint í lokakeppni EM 2025.

„Ég vona bara að við fáum að spila enn oftar við þær (Þýskaland). Það er ógeðslega gaman að mæta þeim og þvílíkur lærdómur í hvert einasta skipti. Mér finnst við vera að nálgast að ná í fyrsta sigurinn í dágóðan tíma gegn þeim. Ég held að það sé fínn tímapunktur á föstudaginn."

„Mér fannst við spila ágætlega á móti þeim seinast þegar við mættum þeim á heimavelli og hefðum alveg getað potað inn marki. Við erum góðar á heimavelli og ætlum að nýta okkur það á föstudaginn."

Ísland er í góðum málum í riðlinum eftir flottan glugga síðast. Hlín skoraði þar í 2-1 sigri gegn Austurríki á Laugardalsvelli.

„Það var ógeðslega mikilvægt að ná í þrjú stig þar og það gefur okkur mikið fyrir þennan glugga. Þrátt fyrir að það sé frekar tómt í stúkunni stundum, þá finnst mér sérstakt að spila hérna. Að spila á þessum velli er eitthvað sem mig dreymdi um þegar ég var lítil," segir Hlín.

Elskar að vera í Kristianstad
Hlín kemur inn í þetta verkefni í fantaformi en hún hefur verið að spila afar vel með Kristianstad í Svíþjóð. Hún er búin að gera sex mörk í 13 leikjum og eru félög í stærri deildum sögð horfa til hennar.

„Ég er með samning út tímabilið og ég elska að vera í Kristianstad. Eins og staðan er núna, þá verð ég áfram," sagði Hlín en hún kveðst ekki vita af neinu sem er í gangi þessa stundina.

„Þetta er smá tvíeggja sverð því mig langar að taka næsta skref en ég elska líka að spila í Kristianstad og mig langar ekki neitt að fara þaðan. Þetta er kannski smá lúxusvandamál. En ef það býðst stærra tækifæri þá mun ég skoða það."

Hægt er að sjá allt viðtalið í spilaranum hér að ofan.