Arnar Hallsson þjálfari ÍR var himinlifandi eftir frábæra endurkomu sinna manna á útivelli gegn Fjölni í Mjólkurbikarnum.
Lestu um leikinn: Fjölnir 2 - 3 ÍR
Heimamenn leiddu með tveimur mörkum í leikhlé en Reynir Haraldsson setti þrennu á fimm mínútna kafla í síðari hálfleik og landaði ÍR fræknum sigri.
„Þó við höfum verið 2-0 undir í fyrri hálfleik þá fannst mér stórir hlutar leiksins vera okkar eign. Við vorum að spila vel og höfðum trú á því að það væri leið inn," sagði Arnar eftir endurkomusigurinn.
„Við ætluðum bara að ná einu og sjá hvort við gætum ekki búið til smá óöryggi þarna en svo tók Reynir til sinna ráða og setti þrjú."
Arnar líkti þessari stundu við frábæran kafla Liverpool í Istanbúl 2005 þegar liðið skoraði þrjú mörk á sex mínútna kafla á svipuðum tíma í síðari hálfleik eftir að hafa lent þremur mörkum undir í þeim fyrri.
„Þetta gerist í fótbolta, þetta gerðist í Istanbúl hjá Liverpool - það kemur móment í leiknum, svona orkurush. Fólkið sem mætti á völlinn gaf okkur orku og trú. Ég verð að segja að mér finnst við vel að þessu komnir."
Lestu um leikinn
Athugasemdir
