Lineker: Fótboltinn missti af tækifærinu til að heiðra drottninguna
Gary Lineker.
Mynd: Getty Images
Gary Lineker.
Mynd: Getty Images
Sparkspekingurinn Gary Lineker, vottaði Elísabetu Englandsdrottingu virðingu sína í dag en hann segist vera sár og svekktur með að fótboltinn hafi ekki fengið tækifæri til þess sama um helgina.
Í gær var ákveðið að ekki yrði spilað í enska boltanum um þessa helgi af virðingu við Elísabetu en ekki voru allir sammála þessari ákvörðun.
Lineker segir að þarna hafi verið tækifæri fyrir fótboltann til þess að heiðra drottinguna. Krikket deildin í Englandi og í Wales frestaði sínum leikjum í gær en haldið var áfram að spila í dag.
„Í ljósi dásamlegra og áhrifaríkra atburða á The Oval í dag finnst mér það algjör synd að fótboltinn skuli ekki fara fram um helgina og því glatað tækifæri fyrir hann til að votta virðingu sína," sagði Lineker á Twitter og hafa margið tekið undir þetta.
Í gær var fjallað um það að enska úrvaldeildin hafði miklar áhyggjur af hegðun stuðningsmannanna og því hafi það verið aðal ástæða þess að ekki verður spilað um helgina.
Given the wonderful and moving scenes at The Oval, it feels a real shame that football is not taking place this weekend, therefore missing the opportunity to pay its respects.
— Gary Lineker 💙💛 (@GaryLineker) September 10, 2022
