Lidija Kulis.
Þær Lidija Kulis og Lara Ivanusa, sem sömdu við Þór/KA síðasta vetur, hafa yfirgefið félagið og samið við félag í Sameinuðu arabísku furstadæmunum.
Þór/KA á fjóra leiki eftir af sínu tímabili og voru þær Lidija og Lara í nokkuð stóru hlutverki í liðinu. Það er hins vegar ekki um neitt gríðarlega mikið að keppa hjá Þór/KA í loka leikjunum, en liðið vill þó halda sér í 3. sæti Bestu deildarinnar.
Þór/KA á fjóra leiki eftir af sínu tímabili og voru þær Lidija og Lara í nokkuð stóru hlutverki í liðinu. Það er hins vegar ekki um neitt gríðarlega mikið að keppa hjá Þór/KA í loka leikjunum, en liðið vill þó halda sér í 3. sæti Bestu deildarinnar.
Þær eru búnar að semja við Abu Dhabi Country sem tryggði sér sæti í riðlakeppni Meistaradeildarinnar í Asíu í lok ágúst með því að fara í gegnum þrjá leiki í forkeppninni. Liðið sló út Al-Nassr í úrslitaleiknum um sæti í riðlakeppninni.
Lara Ivanusa er slóvenska landsliðskona, sóknarmaður sem kom frá og er fædd árið 1997. Hún lék fjórtán deildarleiki og skoraði tvö mörk.
Lidija Kulis er landsliðskona Bosníu-Hersegóvínu. Hún er varnarmaður sem fædd er árið 1992. Hún lék fimmtán deildarleiki með Þór/KA í sumar.
Athugasemdir
