Leikmaður að nafni Alex Kei skráði sig í sögubækurnar í gær er hann kom inná sem varamaður fyrir Real Monarchs í Bandaríkjunum.
Monarchs spilaði við Colorado Springs Switchbacks í næst efstu deild Bandaríkjanna og lauk leiknum með markalausu jafntefli.
Kei er gríðarlega efnilegur leikmaður en hann er aðeins 13 ára gamall og spilaði yfir hálftíma í þessu jafntefli.
Kei varð um leið yngsti atvinnumaðurinn í sögunni til að spila í Bandaríkjunum sem er ansi merkilegur áfangi.
Leikmaðurinn hefur gert það mjög gott með akademíu Monarchs og er hægt og rólega að vinna sér inn sæti í aðalliðshópnum.
Þess má geta að yngsti leikmaður sögunnar til að spila í MLS deildinni, efstu deild Bandaríkjanna, er fyrrum undrabarnið Freddy Adu sem var þá 14 ára gamall.
History on a Friday night in Herriman, Utah from one of our own.
— Real Salt Lake Academy (@RSLAcademy) October 9, 2021
Axel Kei becomes the youngest to appear for a professional American sports team at 13 years, 9 months and 9 days! pic.twitter.com/uOcmcsUDi3
Athugasemdir