Smit hjá Stromsgödset - Vonast til að Ari og Valdimar geti spilað með U21

Ari Leifsson og Valdimar Þór Ingimundarson eru báðir í U21 landsliði Íslands sem á mikilvægan leik framundan gegn Ítalíu á Víkingsvelli á fimmtudaginn. U21 spilar síðan við Írland á sunnudag og Armeníu á miðvikudag. Vonir standa til að Ari og Valdimar geti tekið þátt í þessum leikjum.

Guðlaugur Gunnarsson, starfsmaður U21 landsliðs Íslands, segir að Ari og Valdimar hafi farið í kórónuveirupróf í gær og fengið neikvætt.

Ari og Valdimar eru staddir á Íslandi en þeir hafa verið í einangrun hingað til og ekki hitt liðsfélaga sína í U21 ennþá. Guðlaugur segir að þeir fari í annað próf í dag og verið sé að skoða framhaldið. Líklegt þykir þó að þeir geti spilað leikinn með U21.

Umræddur leikmaður Stromsgödset æfði með liðinu í síðustu viku en Ari og Valdimar hafa ekkert hitt hann síðan þá.