„Landsliðsferli De Gea er alls ekki lokið en Kepa átti ótrúlega flottan lokakafla á tímabilinu. Hann sýndi frábæra leiki og liðið stóð uppi sem sigurvegari í Evrópudeildinni," segir Moreno sem stýrði Spáni í fjarveru Luis Enrique í gær.

„Við töldum að Kepa myndi henta betur í þennan leik og það er bara bullandi samkeppni í gangi."

De Gea var langt frá sínu besta á liðnu tímabili með Manchester United og þá fékk hann líka gagnrýni fyrir slaka frammistöðu með Spáni á HM í Rússlandi. Framtíð De Gea er í óvissu en hann á eitt ár eftir af samningi sínum á Old Trafford.