Ísland tapaði gegn Litháen í gær í leik sem varð að vinnast til að halda draumnum um EM á lífi. Það er því einungis stoltið sem er undir hjá íslenska liðinu á þriðjudaginn. Leikmenn í hópnum sem eru fæddir 2004 og síðar spila fyrir áframhaldandi veru í hópnum. Eflaust verða mörg augu á leiknum þar sem danska liðið er öflugt og erlend félög gætu verið að fylgjast með einstaka frammistöðu hjá leikmönnum.

Ísak gat ekki spilað gegn Litháen vegna meiðsla en Óli Valur spilaði síðustu 36 mínúturna eftir að hafa komið inn á sem varamaður.