Spænski fjölmiðlamaðurinn Gerard Romero er með heimildir fyrir því að Frenkie de Jong sé mjög líklega á leið til Manchester United í þessum mánuði.
Hann segir að það séu 95 prósent líkur á því að De Jong fari frá Barcelona til United í sumar.
Hann segir að Barcelona sé tilbúið að selja De Jong fyrir 70-80 milljónir evra út af slæmri fjárhagsstöðu félagsins.
De Jong þekkir Erik ten Hag, nýjan stjóra Man Utd, mjög vel þar sem þeir voru saman hjá Ajax. De Jong var í liði Ten Hag sem fór í undanúrslit Meistaradeildarinnar árið 2019.
Man Utd þarf klárlega að bæta við leikmönnum á miðsvæðinu í sumar og yrði stórt fyrir félagið að fá De Jong í sínar raðir.
Athugasemdir