Tómas Bent ekki með ÍBV á Nesinu

Sjöunda umferð Lengjudeildar karla fer af stað á morgun með leik Gróttu og ÍBV sem fram fer á Vivaldivellinum.

Tómas Bent Magnússon, miðjumaður og lykilmaður í liði Eyjamanna, verður ekki með í leiknum þar sem hann tekur út leikbann vegna uppsafnaðra áminninga. Tómas hefur fengið fjögur gul spjöld.

Þrír leikir verða annað kvöld og hinir þrír leikir umferðarinnar verða spilaðir á laugardaginn.

Rúnar Helgi Björnsson í Dalvík/Reyni tekur út leikbann vegna uppsafnaðra áminninga þegar liðið tekur á móti Keflavík á laugardag. Haraldur Freyr Guðmundsson þjálfari Keflavíkur verður ekki á hliðarlínunni í þeim leik, eftir að hann fékk rautt spjald í stórsigri gegn Leikni á dögunum.