Valur vann í kvöld 0-2 útisigur gegn Stjörnunni í Pepsi Max-deild kvenna. Leikurinn var næstsíðasti leikur tíundu umferðar.

Staðan var markalaus í leikhléi og fyrri hálfleikurinn var lítið fyrir augað. Seinni hálfleikurinn reyndist talsvert meiri skemmtun. Valur komst yfir með marki á 72. mínútu, Mist Edvarsdóttir átti þá stoðsendingu þegar hún átti langa sendingu inn fyrir vörn Stjörnunnar á Mary Alice sem skallaði boltann í netið.

Lára Kristín Pedersen, sem gekk í raðir Vals á dögunum, skoraði þá sitt fyrsta mark fyrir félagið.

„Váááá!! Lára Kristín fær boltann fyrir utan teig og hamrar honum í samskeytin fjær, með vinstri. Lára komin með sitt fyrsta mark fyrir Val!" skrifaði Alexandra Bía í textalýsingu frá leiknum.

Fleiri urðu mörkin ekki og Valur heldur toppsætinu. Stöðuna í deildinni má sjá hér að neðan.