Enzo Fernandez bar fyrirliðabandið hjá Chelsea í gær

Enzo komst í fréttirnar í sumar eftir að hafa sungið níðsöngva um svarta leikmenn franska landsliðsins.

Það myndaðist mikil reiði innan herbúða Chelsea en franski varnarmaðurinn Wesley Fofana gagnrýndi liðsfélaga sinn á samfélagsmiðlum.

Enzo bað liðsfélaga sína afsökunar í kjölfarið og hafa leikmenn liðsins tjáð sig opinberlega og virðist málið úr sögunni. Argentíski miðjumaðurinn verður greinilega einn af varafyrirliðum félagsins en hann var einnig fyrirliði liðsins í æfingaleik gegn Real Madrid á dögunum eftir að Reece James þurfti að fara af velli vegna meiðsla.