Man City hefur klúðrað fjölmörgum vítaspyrnum á síðustu mánuðum og síðast gegn Liverpool í stórleik þar sem Ilkay Gundogan setti boltann hátt yfir.

Rodri ákvað það sjálfur að hann myndi taka spyrnuna í dag sem var ekki frábær en endaði þó í netinu.

Pep Guardiola, stjóri Man City, vill ekki sjá Spánverjann taka næstu spyrnu en hver það verður kemur í ljós.

„Er Rodri vítaspyrnuskyttan núna? Nei," sagði Guardiola í samtali við BBC Sport eftir leikinn en Hugo Lloris var hársbreidd frá því að verja spyrnuna.

„Ég dáist að því hugrekki sem þarf til að taka vítið en spyrnan var ekki góð. Ég er ekki að hlæja, ég hef áhyggjur af þessu."

„Við munum finna sérfræðing í að taka góðar vítaspyrnur. Við verðum að æfa okkur."