Bayern, sem er á toppi þýsku Bundesligunnar, keypti Karólínu í sínar raðir frá Breiðabliki.

„Það hefur alltaf verið draumur minn að vera atvinnumaður í fótbolta í svona háum gæðaflokki. Leikmennirnir hér eru á meðal þeirra bestu í heimi og ég er spennt fyrir því að hefja þennan nýja kafla í lífi mínu og verða hluti af Bayern fjöskyldunni," sagði Karólína eftir að hún gekk í raðir Bayern sem er eins og flestir vita risastórt félag.

Karólína, sem er 19 ára og getur bæði spilað á miðju og kanti, er mætt til æfinga hjá félaginu. Bayern birti æfingamyndir af henni á samfélagsmiðlum sínum sem má sjá hér fyrir neðan.

Það verður spennandi að fylgjast með þessum efnilega leikmanni í einu stærsta félagi heims en Bayern er sem fyrr segir á toppi þýsku úrvalsdeildarinnar.