Fótbolti.net

Venni: Get ekkert farið að sparka í ruslatunnur eða urðað yfir menn

Hemmi hafði ekki tíma í að einbeita sér að leiknum - „Það voru allir að biðja um skiptingu"

Liam Daði: Við stefnum á Laugardalsvöll og það er ekkert flókið

Karl Ágúst talar um hátt spennustig - „Allt undir á sunnudaginn"

Haraldur Freyr: Það er bara hálfleikur í þessu

Gunnar Heiðar um rauða spjald Diouck: Leiðinlegt að þurfa að fara í einhvern svona leik

Magnús Már: Það er gjörsamlega óásættanlegt

Viktor Jóns: Tók eftir því strax í vetur hvað býr í þessum gæja

Damir: Það er enginn skjálfti

Láki: Þetta réðst ekki hér

Lárus Orri kjarnyrtur „Berjast fyrir þessu og fara í svolítið fuck you mode"

Dóri Árna: Það er alveg rétt að stigasöfnun hefur verið rýr í síðustu deildarleikjum

Breki Baxter: FH leikurinn situr núna í okkur

Gummi Kristjáns léttur: Er að spila alltof aftarlega á vellinum

Túfa hefur ekki áhyggjur - „Alvöru menn taka mótlætið á kassann“

„Ekkert að rífa okkur upp til skýja fyrir að vinna Val hérna“

Valdimar Þór: Þurftum ekkert að elta þá út um allt

Sölvi eftir stórsigur á Meistaravöllum: Líst mjög vel á þetta gras hér í KR

Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins

Davíð Smári: Ósáttur með að við skulum gleyma fyrir hvað við stöndum

mán 13. júlí 2020 22:18

Magnús Þór Jónsson

Rúnar: Þarf að fá menn til að gera réttu hlutina

Mynd: Fótbolti.net - Hafliði Breiðfjörð

Rúnar Kristins þjálfari KR gat verið glaður með leik sinna manna og úrslit í kvöld þegar þeir lögðu Blika 3-1

"Ég er glaður, algerlega. Við byrjuðum af miklum krafti, gáfum Blikum lítinn tíma á boltann. Pressuðum þá og gerðum þeim lífið leitt."

Lestu um leikinn: KR 3 - 1 Breiðablik

KR fékk langa pásu og það var allt annað að sjá frammistöðuna heldur en gegn Víkingi. Nýtti hann tímann til að leggjast yfir þennan leik?

"Nei. Fyrstu þrjá dagana gáfum við frí og strákarnir fóru í sveitina og nutu þess að vera í fríi. Svo tókum við fjórar æfingar og höfum undirbúið okkur undir þennan leik síðustu tvo daga.

Við vitum alveg hvað við viljum gera og hvernig við viljum spila. Það eru engar stórar breytingar þar, það þarf að fá menn til að gera réttu hlutina og verjast taktískt gegn sterku Blikaliði."

KR voru mun sterkari í fyrri hálfleik en fóru 2-1 inn í hléið. Blikar komu svo sterkir inn í síðari hálfleikinn.

"Við áttum auðvitað von á því að Blikar kæmu sterkir, við hefðum viljað vera 3 eða 4-0 yfir í hálfleik og við fengum færin til þess. Spurning hvort Stefán átti að fá víti og svo skaut hann framhjá í dauðafæri. 2-1 er engin forysta - sérstaklega á móti svona góðu liði eins og Breiðablik og sérstaklega fyrstu 10 til 12 mínúturnar þá sóttu þeir á okkur en svo náðum við að halda betur í boltann og létum þá hlaupa."

Frammistaða eins og í kvöld hlýtur að skýra þá mynd að KR ætlar sér toppsætið í ár eins og svo oft áður og nú á leið í leik við topplið deildarinnar, Fylki.

"Algerlega. Við viljum vera í toppsætunum fyrir lokaleikina til að eiga sénsinn á að vinna dolluna og erum á þeirri leið. Við erum ánægðir með stigasöfnunina og vonandi verða fleiri svona frammistöður. Í næsta leikverður dregin upp allt önnur mynd, aðrir andstæðingar."

Finnur Tómas kom inn í dag og breiddin eykst.

"Finnur á möguleika að koma inn í næsta leik ef hann sleppur inn og Alex Freyr er alveg að detta í form. Arnþór Ingi var settur á bekkinn, reyndar með smávægileg meiðsl og Óskar hvíldi í dag. Þessir strákar munu hjálpa okkur fullt í sumar. Við munum þurfa á því að halda í sumar að geta svissað og hvílt menn."

Nánar er rætt við Rúnar í viðtalinu sem fylgir.