FH tók á móti Haukum í Hafnarfjarðarslag í Lengjudeild kvenna í kvöld.

FH stjórnaði leiknum í fyrri hálfleik og tók verðskuldaða forystu þegar Elín Björg Norðfjörð skoraði í autt mark eftir mistök hjá Emily Armstrong sem átti annars stórgóðan leik í marki Hauka.

Síðari hálfleikurinn var mun rólegri en sá fyrri og meira jafnræði með liðunum. Haukar gerðu margar skiptingar en fengu ekki færi. Ekki fyrr en í uppbótartíma.

Harpa Karen Antonsdóttir sendi þá aukaspyrnu inn á teiginn og datt boltinn fyrir Hildi Karítas Gunnarsdóttur fyrirliða Hauka sem kláraði með marki.

Það munaði svo ekki miklu að Haukar myndu stela sigrinum skömmu síðar en boltinn endaði framhjá markinu. Lokatölur 1-1 eftir dramatískt jöfnunarmark.

FH ætlar aftur upp í Pepsi Max-deildina og er í öðru sæti sem stendur, með 20 stig eftir 10 umferðir. Haukar er um miðja deild með 12 stig.

Sjá textalýsingu