Í dag fóru nokkrir leikir fram þar sem Lyngby gerði markalaust jafntefli við Álaborg. Frederik Schram sat á bekk Lyngby á meðan hinn 37 ára gamli Thomas Mikkelsen stóð á milli stanganna og varði öll fimm skotin sem hæfðu rammann.

Bröndby tók á móti Nordsjælland í stórleik og var Hjörtur Hermannsson í byrjunarliði heimamanna.

Gestirnir komust í tveggja marka forystu í fyrri hálfleik þar sem báðar marktilraunirnar rötuðu í netið. Spilin breyttust þó í síðari hálfleik þegar heimamenn skiptu um gír og minnkuðu muninn strax í upphafi.

Anthony Jung klúðraði vítaspyrnu á 71. mínútu en Lasse Vigen gerði jöfnunarmark Bröndby skömmu síðar.

Staðan var jöfn 2-2 þar til undir lok uppbótartímans, þegar Sigurd Rosted gerði sigurmark Bröndby á 96. mínútu.

Bröndby 3 - 2 Nordsjælland
0-1 Diomande Mohammed ('13)
0-2 Rygaard Jensen ('39)
1-2 Simon Hedlund ('48)
1-2 Anthony Jung, misnotað víti ('71)
2-2 Lasse Vigen ('75)
3-2 Sigurd Rosted ('96)

Lyngby 0 - 0 Álaborg
Rautt spjald: T. Prica, Álaborg ('77)