Það er nóg um að vera í Þjóðadeildinni vinsælu í kvöld en alls eru sjö leikir á dagskrá í deildum A, C og D.
Flestir leikir hefjast klukkan 18:45 að íslenskum tíma en viðureignir Aserbaídsjan og Kýpur og Lettlands og Möltu fara af stað 16:00.
Stórleikur kvöldsins er viðureign Þýskalands og Sviss í A-deild en á sama tíma eigast við Úkraína og Spánn í sömu deild.
Frændur okkar í Færeyjum eiga heimaleik við Andorra í D-deildinni og munu leitast eftir sínum þriðja sigurleik.
Færeyjar hafa unnið Möltu og Andorra í deildinni til þessa og gerðu þá jafntefli við Lettland í síðasta leik.
Helgi Kolviðsson og hans lærisveinar í Liechtenstein eiga leik við San Marínó en fyrri leik liðanna í riðlakeppninni lauk með 2-0 sigri þess fyrrnefnda.
Fleiri leikir eru á dagskrá og má sjá þá hér fyrir neðan.
þriðjudagur, 13. október
Þjóðadeildin (A deild):
18:45 Þýskaland - Sviss (Stöð 2 Sport)
18:45 Úkraína - Spánn
Þjóðadeildin (C deild):
16:00 Aserbaídsjan - Kýpur
18:45 Svartfjallaland - Lúxemborg
Þjóðadeild (D deild):
16:00 Lettland - Malta
18:45 Færeyjar - Andorra
18:45 Liechtenstein - San Marino
Athugasemdir