Hjörtur Hermannsson lék allan leikinn er Bröndby rúllaði yfir Lyngby í efstu deild danska boltans.
Bröndby vann þægilegan 0-4 sigur og var Frederik Schram á bekknum hjá Lyngby.
Hjörtur og félagar eru á toppi deildarinnar með 34 stig eftir 16 umferðir.
Lyngby 0 - 4 Bröndby
0-1 K. Mensah ('27)
0-2 J. Lindström ('31)
0-3 S. Hedlund ('58)
0-4 A. Pavlovic ('73)
Í dönsku B-deildinni voru markvörðurinn Patrik Sigurður Gunnarsson og miðjumaðurinn Stefán Teitur Þórðarson í byrjunarliði Silkeborg sem vann góðan 2-0 sigur á Hvidovre.
Silkeborg er í þriðja sæti, sjö stigum eftir toppliði Viborg.
Emil Hallfreðsson kom þá ekki við sögu er Padova vann fjórða deildarleikinn í röð og er með þriggja stiga forystu á toppi ítölsku C-deildarinnar.
Emil hefur verið mikilvægur hlekkur í liði Padova en hann getur ekki spilað alla leiki þar sem leikjaplanið er gríðarlega þétt.
Silkeborg 2 - 0 Hvidovre
1-0 Nicklas Helenius ('51)
2-0 Nicklas Helenius ('54)
Legnano Salus 0 - 2 Padova
Að lokum kom Aron Sigurðarson við sögu er St. Gilloise lagði varalið Club Brugge í belgísku B-deildinni.
St. Gilloise trónir á toppinum þar og er svo gott sem búið að tryggja sér titilinn.
Aron er ekki með sæti í byrjunarliðinu og er mikið að koma inn af bekknum. Hann hefur í heildina skorað 6 mörk í 18 deildarleikjum með liðinu.
St. Gilloise 3 - 1 Club Brugge U23
Athugasemdir
