Gunnhildur Yrsa Jónsdóttir.
Gunnhildur Yrsa Jónsdóttir hefur spilað þrjá af fjórum leikjum Utah Royals á NWSL Challenge Cup í Bandaríkjunum.
Átta lið bandarísku kvennadeildarinnar taka þátt á mótinu sem allt var haldið í Utah. Mótið var spilað í stað deildarinnar sem var aflýst vegna kórónuveirufaraldursins.
Utah Royals hefur hingað til spilað fjóra leiki og unnið einn leik, gert eitt jafntefli og tapað tveimur. Liðið tapaði 2-0 fyrir Chicago Red Stars í gærnótt og spilaði Gunnhildur Yrsa allan leikinn.
Öll lið mótsins leika fjóra leik og spila svo í úrslitakeppni. Utah hefur leikið sína fjóra leiki.
Gunnhildur Yrsa er 31 árs gömul og hefur leikið með Utah Royals í Bandaríkjunum frá 2018. Hún á að baki 71 A-landsleik fyrir Ísland og hefur hún í þeim skorað tíu mörk.
Athugasemdir
