Heimild: Vísir
Stefán Teitur Þórðarson, ungur miðjumaður Silkeborg í danska boltanum, missir af fyrstu umferðum tímabilsins eftir að hafa meiðst á hné í æfingaleik gegn Hamburg.
Meiðslin eru sem betur fer ekki alvarleg og ætti Stefán Teitur að jafna sig á örfáum vikum.
Stefán Teitur lék mikilvægt hlutverk er Silkeborg fór upp úr dönsku B-deildinni í vor og stimplaði sig rækilega inn í liðið. Hann lék með U21 landsliði Íslands á lokamóti EM og spilaði sína fyrstu A-landsleiki í júní.
„Þetta eru mjög góðar fréttir, en þó bæði súrt og sætt. Það er auðvitað ömurlegt að meiðast þegar það er vika í mótið en maður verður bara að bíða aðeins lengur,“ sagði Stefán Teitur meðal annars í samtali við Vísi.
Stefán missir af næstu tveimur leikjum gegn SönderjyskE og Kaupmannahöfn en gæti verið klár í slaginn gegn Álaborg um verslunarmannahelgina.
Athugasemdir
