Íslenska landsliðið skipað leikmönnum 19 ára og yngri byrjar vel á æfingamóti í Portúgal.

Mótið er liður í undirbúningi Íslands fyrir keppni í milliriðlum á EM 2023.

Fyrsti leikur var gegn Póllandi í dag og þar var niðurstaðan 4-2 sigur. Sædís Rún Heiðarsdóttir, fyrirliði liðsins, gerði tvennu fyrir Ísland í leiknum.

Þá voru Katla Tryggvadóttir og Snædís María Jörundsdóttir einnig á skotskónum fyrir íslenska liðið.

Fyrr í dag vann A-landslið kvenna sigur gegn Skotlandi á æfingamóti á Spáni. Næst mætir U19 landsliðið heimakonum í Portúgal á þessu æfingamóti á laugardaginn.