Liverpool missti Mohamed Salah af velli eftir hálftímaleik og síðan fór Van Dijk meiddur af velli áður en framlengingin hófst.

Salah verður klár fyrir úrslitaleikinn í Meistaradeildinni og þá segir Van Dijk að hans meiðsli séu ekki af alvarlegum toga.

„Vonandi er þetta allt í lagi, við ætlum að láta kíkja á þetta," sagði Van Dijk.

„Ég fann fyrir því í fyrri hálfleiknum þegar ég var að hlaupa. Ég fann smá sársauka í hnénu og hélt áfram að spila. Undir lokin þá gat ég ekki tekið frekari áhættu og þurfti því að treysta Joel. Vonandi verður þetta í lagi," sagði hann í lokin.