Guardian og WhoScore hafa sett saman lista yfir tíu óvæntar stjörnur tímabilsins í ensku úrvalsdeildinni. Þeir vinna enga bikara eða eintaklingsverðlaun en þessir leikmenn hafa verið algjörir lykilmenn fyrir lið sín á tímabilinu.
Dominic Solanke, Bournemouth - Skoraði sex deildarmörk á síðasta tímabili en er kominn með nítján á þessu. Ráðning Andoni Iraola reyndist blessun fyrir Solanke.
Ryan Christie, Bournemouth - Iraola hefur fært Christie í meira varnarhlutverk á miðjunni og það hefur lukkast ákaflega vel. Sköpunarmátturinn er þó enn til staðar og hann er með fimm stoðsendingar.
James Tarkowski, Everton - Everton er með fjórðu bestu varnarframmistöðuna í deildinni. Tarkowski er sérfræðingur í að vera réttur maður á réttum stað og er algjör leiðtogi í vörninni.
Antonee Robinson, Fulham - Stór félög horfa til bandaríska landsliðsmannsins sem hefur blómstrað í vinstri bakverði Fulham. Er með góðan leikskilning og öflugur í að snúa vörn í sókn.
Ross Barkley, Luton - Kom með mikinn drifkraft á miðsvæðið. Luton fer í Championship en Barkley hefur sýnt að hann á að vera í efstu deild.
Pascal Gross, Brighton - Aðeins Ollie Watkins (13) hefur átt fleiri stoðsendingar en Gross (10) í ensku úrvalsdeildinni. Aðeins Bruno Fernandes (108) hefur átt fleiri lykilsendingar en þýski miðjumaðurinn (97).
Morgan Gibbs-White, Nottingham Forest - Öll félög sem vilja miðjumann með sköpunarmátt og fjöllhæfni ættu að horfa til Gibbs-White. Tíu stoðsendingar á tímabilinu.
Daniel Muñoz, Crystal Palace - Kólumbíumaðurinn hefur komið hrikalega öflugur inn sem vængbakvörður. Kom í janúarglugganum og hefur leikið feikilega vel undir stjórn Oliver Glasner. Öflugur í tæklingum og skilað þremur stoðsendingum.
Fabian Schär, Newcastle - Hefur sýnt mikinn stöðugleika og aðeins Bruno spilað fleiri mínútur fyrir Newcastle á tímabilinu. Traustur þjónn sem stendur alltaf fyrir sínu.
Athugasemdir