Szczesny varði mark Póllands í leik gegn Slóvakíu en það fyrrnefnda tapaði leiknum óvænt, 2-1.

Fyrsta mark Slóvaka var sjálfsmark Szczesny og varð hann um leið fyrsti markmaðurinn til að skora í eigið net á EM.

Robert Mak spilaði stóran hluta í þessu marki en boltinn fór í stöngina og svo í Szczesny og þaðan í markið.

Þetta var annað sjálfsmarkið á EM en Merih Demiral skoraði það fyrra fyrir Tyrkland. Hann er á mála hjá Juventus eins og Szczesny.