Ástralía tryggði sér sæti á HM í Katar eftir mikla dramatík í úrslitaleik gegn Perú á mánudagskvöld.
Eftir nokkuð jafnan leik í umspilinu var markalaust þegar flautað var leiksloka. Ekkert var skorað í framlengingunni en undir lok hennar ákvað Graham Arnold, þjálfari Ástrala, að gera breytingu.
Matty Ryan, markvörður liðsins, fór af velli og Andrew Redmayne kom inn í hans stað. Sannkölluð Louis van Gaal skipting en það muna flestir eftir því er hann skipti Jasper Cillessen af velli og setti Tim Krul inná í vítaspyrnukeppninni gegn Kosta Ríka í 8-liða úrslitum HM fyrir átta árum.
Sú skipting gekk fullkomlega upp og tryggði Krul Hollendingum í undanúrslit og var niðurstaðan eins í kvöld. Redmayne varði sjöttu spyrnu Perú og tryggði þannig Áströlum inn á HM.
Redmayne tók sig líka til og henti miða, sem markvörður Perú var búinn að líma á vatnsflösku sína, í burtu. Markvörður Perú var búinn að undirbúa sig vel, vinna sína heimavinnu og krota það á miða hvar leikmenn Ástralíu myndu líklegast skjóta. Það að vera ekki með þennan miða hefur truflað hann verulega.
Myndband af þessu má sjá hérna fyrir neðan.
I was at the match yestetday and I think it has been overlooked that the Peru keeper had instructions written on his water bottle for penalties. At the first chance Redmayne threw it into the stand behind the goal 🤣
— Sam Gowland (@meizsam) June 14, 2022
Is this the moment? Looks like he chucks a scrunched up bit of paper. pic.twitter.com/wIUesCNNRw
— Jeremy Santolin (@LastGaspWinner) June 14, 2022
Athugasemdir