Torres var partur af þjálfarateymi unglingaliðsins á síðustu leiktíð og hafa þjálfarar og stjórnendur Atletico miklar mætur á hæfileikum hans á æfingasvæðinu.

Unglingalið Atletico endaði fyrir ofan erkifjendurnar í Real Madrid og vann unglingaliðadeildina í vor. Það var mikið afrek og mun Torres taka við ansi góðu búi.

Torres gerði garðinn frægan sem leikmaður hjá Atletico Madrid og Liverpool. Hann lék einnig fyrir Chelsea, AC Milan og Sagan Tosu á ferlinum og skoraði 38 landsliðsmörk fyrir Spán.

Torres vann til ýmissa titla með félagsliðum sínum og Spáni, meðal annars EM, HM, Meistaradeild Evrópu, Evrópudeildina og enska bikarinn.