„Svekkjandi. Mér fannst eins og við hefðum getað fengið eitthvað úr leiknum, jaftefli eða sigur. Við hefðum átt að nýta færin okkar, sérstaklega í fyrri hálfleik en við horfum bara til næsta leiks," sagði Michael Bakare eftir sinn fyrsta leik á Íslandi en hann samdi við Fjölni fyrr í vikunni.
Lestu um leikinn: Grótta 2 - 1 Fjölnir
„Þetta er æðislegt land, gott veður." segir Michael léttur, „Mér líður vel og ég hlakka til að kynna mér eyjuna aðeins betur.
Michael hefur spilað með mörgum liðum, hann hefur núna skipt 25 sinnum um félag á ferlinum sínum. Hann segir íslenska fótboltann líkur þeim á Englandi.
„Í allri hreinskilni er það nokkuð svipað. Ég held að það sé aðeins meira af sendingum spilað hérna sem er gott. En auðvitað er þetta bara einn leikur þannig ég á eftir að sjá hvernig hinir leikirnir verða."
Fjölnir hafa aðeins skorað 14 mörk í 12 leikjum í sumar og hefur Michael ekki verið óvanur því að skora með sínum fyrri liðum og segir hann sig vonandi verða markaskorari liðsins.
„Ég vona það. Ég var að vonast til að fá nokkur tækifæri í dag en það datt ekki alveg en við bara höldum áfram. Vonandi í næsta leik get ég sett nokkur inn."
Viðtalið í heild sinni má finna í sjónvarpinu hér að ofan
Athugasemdir
