Gnonto hefur lengi reynt að komast í burtu frá Leeds United, en hann var alltof mikilvægur til að félagið gæti leyft sér að selja hann.

Þegar Leeds mistókst að komast upp úr Championship deildinni á síðustu leiktíð fékk Gnonto leyfi til að skipta um félag, en hann er 20 ára gamall og með þrjú ár eftir af samningi.

Gnonto er hægri kantmaður að upplagi en getur einnig spilað í fremstu víglínu og á vinstri kanti. Hann er smávaxinn og afar knár, en það hefur vantað upp á markaskorun hjá honum hingað til á ferlinum.

Gnonto skoraði 9 mörk og gaf 3 stoðsendingar í 44 leikjum á síðustu leiktíð.

Gnonto á 13 leiki að baki fyrir A-landslið Ítalíu þrátt fyrir ungan aldur.