Sindri Kristinn og nýjasti A-landsliðsmaður þjóðarinnar, Mikael Anderson, á U21 landsliðsæfingu.
Sindri Kristinn Ólafsson, markvörður Keflavíkur í Inkasso-deildinni, fór á dögunum til æfinga hjá Hull City á Englandi.
Hull er í Championship-deildinni, næst efstu deild Englands.
Hull er í Championship-deildinni, næst efstu deild Englands.
Umboðsskrifstofan segir frá þessu á Instagram. „Sindri var í nokkra góða daga hjá Hull City," er skrifað við nokkrar myndir.
Sindri fór í síðasta mánuði til Noregs á reynslu Odd Grenland, sem er í þriðja sæti norsku úrvalsdeildarinnar.
Hinn 22 ára gamli Sindri er uppalinn hjá Keflavík en hann hefur leikið með liðinu alla sína tíð. Samningur hans við Keflavík rann út um miðjan október.
Sindri lék alla 22 leiki Keflavíkur sem hafnaði í fimmta sæti Inkasso-deildarinnar síðasta sumar.
Sindri á einnig 17 leiki að baki með yngri landsliðum Íslands og þar af níu leiki með U21 landsliðinu.
Athugasemdir
