Schalke tryggði sér í gær toppsæti þýsku B-deildarinnar með sigri á Nürnberg í lokaumferðinni.
Rodrigo Zalazar kom Schalke yfir á fimmtándu mínútu leiksins með glæsilegu marki fyrir aftan miðju.
Zalazar fékk boltann á eigin vallarhelmingi, leit upp, mundaði skotfótinn og skoraði stórglæsilegt mark.
Guðlaugur Victor Pálsson, sem er varafyrirliði Schalke, spilaði síðasta hálftíma leiksins.
Schalke mun leika í efstu deild í haust eftir að hafa verið fjarverandi í eitt ár. Liðið féll úr efstu deild í fyrra eftir að hafa endað í öðru sæti eftir FC Bayern aðeins þremur árum fyrr.
Athugasemdir
