Strax eftir tæplega 10 mínútna leik komust FH-ingar í dauðafæri þar sem Vuk Oskar var kominn einn á móti marki en hitti ekki boltann.
„Frábær sending frá Björn Daníel á Steven Lennon sem vippar boltanum yfir Ingvar í markinu, en boltinn fer á hlið til Vuk Oskar sem getur potað boltanum inn í tómt mark, en nær ekki alveg snertingu á boltanum. Viktor Örlygur nær að sparka boltanum í burtu á línunni! Svakalegt færi fyrir FH!" Skrifaði Brynjar Óli Ágústsson í textalýsingunni á Fótbolta.net
Karl Friðleifur Gunnarsson náði að trufla Vuk og einhverjir telja að hann hafi ekki gert það löglega og Vuk hafi átt skilið að fá víti.
„Eftir að hafa séð nokkrar endursýningar verð ég sannfærðari og sannfærðari með það að Karl Friðleifur brjóti á Vuk," sagði Gummi Ben á Stöð 2 Sport.
„Manni sýnist það. Ég veit ekki hvort það spili inn í hjá dómaranum að hann þurfi að reka hann útaf, þetta er risa ákvörðun. Þetta hefði átt að vera víti og rautt spjald" sagði Reynir Leósson.
Laukrétt Bö.
— Baldvin Borgars (@Baddi11) July 16, 2022
